TÉRMINO - I KONDISHONNAN DI TIME TO WIN

1. “Time to Win” ta un Promoshon di “Superior Tobacco Company Curaçao N.V” (despues di aki “E Organisador”), un kompania ku ta domisiliá den Parke Comersial Veeris 29, Kòrsou. Partisipando na e Promoshon aki, bo ta bai di akuerdo ku e Término- i Kondishonnan aki.

2. E Promoshon aki ta habrí pa residentenan legal di Kòrsou i ta eksklusivamente enfoká riba e adulto humado komo partisipante (ariba di diesocho (18) aña di edat). Partisipando boluntariamente na e Promoshon aki, kada partisipante ta deklará ku e ta un humadó adulto i ta akseptá ku esaki lo keda verifiká promé ku entregá di kualke premio.

3. E Promoshon ta kuminsá dia 26 di yüli, 2024 i ta tèrminá dia 27 di sèptèmber, 2024 (e “Periodo di Promoshon”).

4. Partisipantenan por partisipá na e Promoshon depositando un paki habrí i bashí di L&M Red, L&M Blue, L&M Forward i/òf L&M Electro Fusion, ku nan nòmber, ID i number di telefòn klaramente skirbi ku pèn riba e pak bashí, den e buzonnan di Promoshon na puntonan di benta partisipando. Puntonan di benta partisipando ta aneksá na final di e dokumento aki.

5. Lo tin un total di 60 ganador durante e Promoshon. 15 ganador lo keda selektá kada dos siman for di tur partisipante elegibel den kada periodo di 2 siman. Durante e selekshon di ganadornan, 3 substituto lo keda selektá pa kada ganador. E selekshonan lo tuma luga riba òf rondo di e próksimo fechanan yegando na un total di 4 momentu di selekshon:

• 15 di ougùstùs
• 29 di ougùstùs
• 13 di sèptèmber
• 27 di sèptèmber

6. Kada ganador lo risibí un “gift card” di ANG 100 di MCB. Premionan no ta transferibel ni no por ser kambiá pa sèn kèsh. E Organisador ta keda ku e derecho di supstituí un premio pa un ku balor igual òf balor mas haltu den kaso ku e premio original no ta disponibel.

7. Ganadornan lo keda anunsiá via korant i lo keda notifiká via telefòn den ménos ku un siman ku a saka e ganadornan. E publikashon di korant lo inkluí un number di telefòn via kua e ganadornan por tuma kontakto pa reklamá nan premio. Den kaso ku no por haña kontakto ku e ganador, e ganador no a yama pa reklamá su premio denter di 5 dia di trabou, teniendo kuenta ku e siguiente dia di trabou for di e dia di publikashon, òf ta probá ku e no ta un huzador di tabaku i/òf produktonan di nikotina di edat legal, lo tuma kontakto ku e promé supstituto i e sigientenan susesivamente te ora ku e Organisador tin un ganador ku ta kumpli ku tur e eksigensianan di e término i kondishonnan aki. Den kaso ku no por yega na un ganador adekuá, e selekshon lo keda deklará inválido.

8. Ganadornan mester proba ku nan ta kumpli ku e kondishonan di e Promoshon mustrando nan dokumento di identidat ofisial, un pasport válido i/òf un dokumento legítimo ku ta konfirmá ku nan ta biba na Kòrsou.

9. Ganadornan mester reklamá nan premio personalmente na ofisinanan di Superior Tobacco Company Curaçao N.V na un momentu previamente akordá.

10. Partisipando den e promoshon aki, e partisipante ta akseptá i konsentí pa e Organisador tuma kontakto kuné via telefòn i ku su nòmber kompletu ta paresé den e publikashon di korant ariba menshoná.

11. Partisipando den promoshon partisipantenan ta akseptá pa eksonera e kompania, su partnernan i tambe nan respektivo òfisial-, director-, empleado- i representantenan for di tur responsabilidat pa ku reklamo òf kualke kaso ku por surgi komo konsekuensia di partisipashon den Promoshon.

12. Empleadonan di e siguiente kompanianan no por partisipá: Superior Tobacco Company Curacao N.V, su klientenan dirèkt, su kompanianan afiliá òf subsidiá i famianan di promé grado den garantia, liña dirèkt òf tur dos, di e pèrsonanan ku ta traha den e kompanianan ya menshoná.

13. Tur informashon pèrsonal kolektá durante di e Promoshon lo keda huzá konforme nos Polisa di Privasidat. Partisipando den e Promoshon aki, partisipantenan ta rekonosé i akseptá e tèrminonan di e Polisa di Privasidat aki. Partisipantenan por tuma nota di e Polisa di Privasidat menshoná riba e website https://www.pmiprivacy.com/global/en/consumer/

14. E Organisador por, ku kriterianan ophetivo, kanselá, suspendé òf modifiká e Promoshon den kaso di “force majeure” òf kousanan imprevisto ku ta hustifiká esaki di forma rasonabel, na kualke momento i bou di tur sirkunstansia, sin ku ta kompromete su responsabilidat. Tur modifikashon, suspenshon òf kanselashon di e tèrmino- i kondishonnan aki lo keda publiká pa medio di e mes un medio di publikashon di e tèrmino- i kondishonnan aki.

ANNEKSO: PUNTONAN DI BENTA PARTISIPANDO