Por fabor yena bo fecha di nasementu pa konfirmá ku bo ta un adulto ku ta usa nikotina òf produktonan di tabaku

Konfirmá

Despensá!
E intenshon di e wèpsait aki ta solamente pa usuarionan di nikotina òf produktonan di tabaku ku ta riba 18 aña di edat.

Nos ta sòru

E wèpsait aki ta kontené informashon di nos produkto liber di huma i nos mester verifiká bo edat pa konfirmá ku bo ta un adulto residensiá na Kòrsou, ku lo kontinuá ku humamente òf uso di produktonan di nikotina.Nos nikotina i produktonan di tabaku no ta un alternativa pa stòp di huma i tampoko traha komo un ayudo pa stop ku esaki.Nan no ta liber di rísiko. Nan ta kontené nikotina, ku ta adiktivo. Solamente pa adulto.Por fabor bishitá e wèpsait ku tin informashon importante tokante e rísikonan.

NOTA DI PRIVASIDAT KONSUMIDO PMI

Nos ta tuma privasidat na serio. E nota akí ta bisabo ken nos ta, ki tipo di informashon di bo nos ta buska i kiko nos ta hasi kuné. Klek riba “haña sa mas” den kada sekshon pa mas informashon.

Fabor lesa tambe nos término di uzo relashoná ku e servisio ku bo ta interesá den dje. Nan ta duna mas informashon tokante e manera ku nos ta hasi negoshi i kualke restrikshon riba eligibilidat ku por ta apikabel.

Ken nos ta?

Nos ta un miembro di Philip Morris International. Lo bo a risibí nos detayenan (nòmber, adrès, etc.) separadamente na momentu di (òf pa konfirmá) e buskamentu di informashon di bo, por ehèmpel, den un nota den un aplikashon òf website, òf den un e-mail, ku ta kontené un konekshon ku e nota akí.

  • PMI: Philip Morris International, un grupo di tabako internashonal renombrá. E ta konsistí di un kantidat di kompania òf “afiliado”.
  • Afiliado PMI: Kada miembro di Philip Morris International su grupo di kompania ta un “afiliado di PMI”. “Nos” (òf “di nos” òf “pa nos”) ta referí na e afiliado di PMI ku a buska e informashon di bo pa promé biaha.
  • Produkto di PMI : ta nifiká un produkto di nos òf di un otro afiliado di PMI.
Kon nos ta buska informashon di bo?

Nos por buska informashon di bo na diferente manera.

  • Bo por duna nos informashon direktamente (por ehèmpel: yena un formulario òf hasi nos a un yamada).
  • Nos por buska informashon outomátikamente (por ehèmpel: ora bo uza un aplikashon di PMI òf un website).
  • Nos por atkerí informashon for di terser partido (por ehèmpel: informashon públikamente disponibel riba plataformanan di medionan sosial media manera Facebook i Twitter).

Den e nota akí nos ta referí na tur método pa medio di kua bo ta den kontakto ku nos komo “PMI su puntonan di kontakto”. PMI su puntonan di kontakto ta inkluí tantu puntonan físiko (por ehèmpel, tiendanan minorista i eventonan), i puntonan digital (por ehèmpel, aplikashon- i websitenan).

Nos por buska informashon ku bo ta ofresé direktamente. Normalmente esaki lo sosodé ora ku bo:

  • Registrá pa bira un miembro di nos basenan di dato (esaki, por ehèmpel, por ta personalmente, via aplikashon òf online);
  • Kumpra produkto- òf servisionan di PMI na un tienda minorista;
  • Baha òf uza un punto di kontakto digital (p.e. un aplikashon òf website);
  • Tuma kontakto ku nos via un punto di kontakto òf e-mail, medio sosial òf telefòn;
  • Registrá un aparato serka nos;
  • Inskribí pa un portal di un panel di PMI;
  • Registrá pa risibí komunikado di prensa PMI, alerta di e-mail, òf mensahenan di merkadeo;
  • Partisipá den sondeonan di PMI òf (kaminda pèrmití pa lei) kompetensia- òf promoshonnan di PMI; òf
  • Asistí na un evento ku un afiliado di PMI a organisá.

Nos por buska informashon di bo outomátikamente. Normalmente esaki lo sosodé ora ku bo:

  • Bishitá un tienda ku ta bende produktonan di PMI (p.e.dor di buska bo datonan na momentu di registrá sali òf pa medio di sensornan na e tienda ku ta konektá ku teknologia móbil);
  • Asistí na un evento ku un afiliado di PMI a organisá (p.e. pa medio di kompra na e evento òf pa medio di sensornan na e evento ku ta konektá ku teknologia móbil);
  • Komuniká ku nos (por ehèmpel, via un punto di kontakto òf plataformanan di medionan sosial);
  • Uza PMI su puntonan di kontakto (p.e. pa medio di mekanismonan di siguimentu den un aplikashon òf website); òf
  • Traha un mensahe públiko riba plataformanan di medionan sosial ku nos ta sigui (por ehèmpel, pa asina nos por komprondé opinion públiko òf reakshoná riba petishonnan relashoná ku produktonan di PMI).

Nos por buska bo informashon outomátikamente tambe pa medio di uzo di cookie i teknologia similar di siguimentu na PMI su puntonan di kontakto digital. E cookie-i teknologianan spesífiko uzá lo dependé di PMI su punto di kontakto relevante. Pa siña tokante e cookienan (inkluso Google analytics su cookienan) i teknologianan similar uzá na un punto di kontakto, inkluso kon bo por aseptá òf rechasá cookienan, fabor chèk e nota di cookie ku a hasi disponibel na òf via tal punto di kontakto.

Kaminda lei ta pèrmití, nos por atkerí informashon di bo for di terser partido. Esaki por inkluí informashon kompartí entre afiliadonan di PMI, informashon di profil ku ta públikamente disponibel (manera bo preferensia- i interesnan) riba sitionan di medionan sosial di terser partido (manera Facebook i Twitter), i listanan di merkadeo atkerí serka agensianan di merkadeo di terser partido.

Nos por buska informashon den otro kontekstonan ku a revelá na bo e tempu ei.

Ki tipo di informashon di bo nos ta buska?

Nos por buska diferente tipo di informashon di bo:

  • Informashon rekerí pa kumpli ku bo pedidonan
  • Informashon rekerí pa brinda servisio di garantia
  • Informashon ku bo ta duna nos den formulario òf enkuesta
  • Informashon di bo bishitanan na nos tienda- i eventonan
  • Informashon ku bo ta duna nos durante yamadanan na nos sentralnan di yamada
  • Informashon di bo preferensia- i interesnan
  • Informashon rekerí pa kontrolá bo edat

Informashon ku nos ta buska direktamente serka bo, lo ta bon kla for di e konteksto den kua bo ta ofres’é. Por ehèmpel:

  • Si bo hasi pedido di un produkto serka nos via un punto di kontakto, bo ta duna bo nòmber, kontakto, detayenan di fakturashon i e produko ku bo a skohe pa asina nos kumpli ku bo pedido;
  • Bo por duna informashon di bo preferensia- i interesnan di produkto pa asina nos por ofresé bo produkto- i servisionan ku lo interesá bo;
  • Si bo traha un sita pa topa nos (òf un persona ku ta sostené nos produkto- òf servisionan), nos lo por buska bo nòmber i detayenan di kontakto;
  • Nos por buska informashon ku ta pèrmití nos kontrolá bo edat, por ehèmpel un kopia di un dokumento di identidat òf bo imágen di kara.

Generalmente, informashon ku nos ta buska outomátikamente lo ta relashoná ku:

  • Detaye di bo bishita òf yamada (manera tempu i durashon);
  • Na un punto di benta òf na un evento (inkluso áreanan den serkania inmediato), ku ki frekuensia bo sa bishitá, kua área bo sa bishitá i pa kon largu i kua kompra bo sa hasi;
  • Bo uzo di PMI su puntonan di kontakto digital (manera e páginanan ku bo ta bishitá, e página ku bo a bin di dje i e página ku bo a bai na dje ora bo a sali, palabranan di búskeda ku a yena òf konekshonnan ku a klek den e punto di kontakto); i
  • Bo aparato (manera bo adrès di IP òf identifikadó di aparato úniko, datonan di lokashon, detayenan di kualke cookie ku nos por a warda den bo aparato).

Generalmente, informashon ku nos ta buska di terser partidonan ta konsistí di informashon di profil ku ta públikamente disponibel (manera bo preferensia- i interesnan), por ehèmpel for di mensahenan públiko riba medionan sosial.

Pa kua meta nos ta uza informashon di bo i riba ki base legal?

Den e sekshon akí, nos ta deskribí e metanan pa kua nos ta uza informashon personal. Sinembargo, esaki ta un nota global i kaminda leinan di un pais ta restringí òf prohibí sierto aktividat deskribí den e nota akí, nos lo no uza informashon di bo pa e metanan akí den tal pais.

Someté na loke tin menshoná ariba, nos ta uza informashon di bo pa e siguiente metanan:

  • Pa kumpli ku obligashonnan regulatorio, manera kontrolá bo edat i status komo un usuario di nos produktonan
  • Pa bendebo nos produktonan, inkluso kumpli ku bo pedidonan, prosesá bo pagonan
  • Pa brinda servisionan relashoná ku benta, inkluso atendé ku bo pregunta- i petishonnan i ofresé servisionan di garantia
  • Pa merkadiá nos produktonan (kaminda lei ta pèrmití), inkluso manehá programanan di loyalidat, mehoramentu di produkto, investigashon di merkado, desaroyá strategia di merkadeo, manehá kampañanan di merkadeo i personalisá bo eksperensianan na puntonan di benta ku ta bende produktonan di PMI i na eventonan
  • Pa nos òf nos sosionan komersial informá bo di potensial oportunidatnan pa ta envolví den merkadeo òf promoshon di produktonan di PMI
  • Pa sostené tur loke ta menshoná ariba, inkluso manehá bo kuentanan, hasi posibel pa bo uza PMI su puntonan di kontakto, korespondé ku bo, manehá bo sitanan ku nos òf ku un persona ku ta sostené nos produkto- òf servisionan (por ehèmpel, relashoná ku un produkto nobo òf servisio despues di benta), personalisá bo eksperensianan ku PMI su puntonan di kontakto i atministrashon i solushon di problema
  • Pa análisis di negoshi i mehorashon, inkluso mehorashon di PMI su produktonan, puntonan di benta i eventonan i e informashon ku nos (òf nos afiliadonan) ta ofresé nos klientenan
  • Pa otro metanan ku nos ta ponebo na altura di dje, òf ku lo ta bon kla for di e konteksto, na momentu ku nos buska informashon di bo pa promé biaha

E base legal pa nos uzo di informashon di bo ta un di e siguientenan:

  • Kumplimentu ku un obligashon legal ku nos ta someté na dje;
  • Ehekushon di un kòntrakt ku bo ta forma parti di dje;
  • Un interes komersial legítimo kaminda interesnan ku bo tin pa protehá e informashon no ta prevalesé riba esaki;
  • Den kaso ku ningun di e puntonan ariba menshoná ta konta, bo pèrmit (ku nos lo pidi promé ku nos prosesá e informashon).

E metanan pa kua nos ta uza informashon di bo, ku métodonan di buskamentu korespondiente i base legal pa uzo, ta lo siguiente:

Meta

Método di buskamentu i base legal pa prosesamentu

Kumpli ku obligashonnan regulatorio

  • Kontrolá bo edat i status komo un usuario di nos produktonan

Generalmente, abo ta duna nos e informashon akí direktamente.

Nos ta uz’é pasó e ta nesesario pa nos kumpli ku un obligashon legal pa bende produkto solamente ku  adultonan òf, den paisnan kaminda no tin un obligashon legal asina, pasó nos tin un interes komersial legítimo pa bende nos produktonan solamente na adultonan i kaminda bo interes- i derechinan i bo libertat pa protehá bo informashon no ta prevalesé riba esaki.

Bende nos produktonan

  • Kumpli ku bo pedidonan (inkluso manda  faktura)
  • Prosesá bo pagonan
  • Ofresé servisionan di garantia

Generalmente, abo ta ofresé nos e informashon akí direktamente (normalmente nòmber, adrès, adrès di e-mail, informashon di pago).

Nos ta uz’é pa kumpli ku nos obligashonnan kontraktual na bo komo un kumpradó di nos produktonan.

Ofresé servisio mará na benta

  • Dil ku bo pregunta- i petishonnan
  • Korespondé ku bo
  • Atministrashon general i solushon di problema
  • Manehá programanan di loyalidat

Generalmente, abo ta ofresé nos e informashon akí direktamente.

Nos ta uz’é pasó nos tin un interes komersial legítimo pa ofresé nos klientenan servisionan mará na benta i kaminda bo interes- i derechinan i bo libertat pa protehá bo informashon no ta prevalesé riba esaki.

Merkadiá nos produktonan(kaminda lei ta pèrmití)

  • Komprondé bo preferensianan (manera ki tipo di produkto òf evento lo por interesá bo òf  por ta mihó adaptá na bo nesesidatnan) i kaminda lei ta pèrmití, merkadiá na bo  personalmente
  • Manehá programanan di loyalidat
  • Invitá bo pa partisipá den, i manehá, enkuestanan òf kampañanan di investigashon di merkado
  • Pa investigashon di merkado
  • Desaroyá strategianan di merkadeo
  • Manehá kampañanan di merkadeo
  • Personalisá bo eksperensia of PMI su puntonan di kontakto (por ehèmpel, pa personalisá bo bishita, por ehèmpel ku saludo òf  sugerensianan ku lo por interesá bo)

Esaki normalmente ta un kombinashon di informashon ku bo ta ofresé nos (por ehèmpel, bo nòmber i detayenan di kontakto i di medionan sosial); informashon ku nos ta buska outomátikamente (por ehèmpel, dor di uza teknologia pa monitoriá uzo di PMI su puntonan di kontakto) i (kaminda lei ta pèrmití) informashon ku nos ta atkerí serka terser partido manera mensahenan públiko riba medionan sosial).

Nos ta uz’é basá riba e echo ku nos tin un interes komersial legítimo  pa merkadiá nos produktonan, pa operá PMI su puntonan di kontakto i pa personalisá bo eksperensianan, na maneranan ku bo interes- i derechinan i bo libertat pa protehá bo informashon lo no prevalesé riba esaki.

Merkadiá nos produktonan(kaminda lei ta pèrmití)

  • Ofresé bo informashon tokante, i pa manehá, PMI su afiliadonan, nan  promoshon-, produkto- i servisionan, puntonan di benta, eventonan i regulashon di nos produktonan i pa desaroyá i mehorá hèrmèntnan pa logra e metanan akí

Esaki normalmente ta un kombinashon di informashon ku bo ta ofresé nos (por ehèmpel, bo nòmber i detayenan di kontakto i kondukta riba medionan sosial); informashon ku nos ta buska outomátikamente (por ehèmpel, dor di uza cookie- i teknologianan similar) i (kaminda lei ta pèrmití) informashon ku nos ta atkerí serka terser partido (manera mensahenan públiko riba medionan sosial).

Nos ta uz’é basá riba e echo ku nos tin un interes komersial legítimo  pa merkadiá e kosnan akí i kaminda bo interes- i derechinan i bo libertat pa protehá bo informashon lo no prevalesé riba esaki.

Den sierto paisnan, kaminda lei ta rekerí esaki, nos lo mandabo e materialnan akí den un format elektróniko solamente ku bo pèrmit.

Sosten pa tur e metanan ariba menshoná

  • Manehá bo kuentanan
  • Hasi posibel ku bo por uza PMI su puntonan di kontakto (por ehèmpel, pèrmití bo keda  den sekshonnan di un punto di kontakto ku ta  reservá pa usuarionan outorisá so, manehá bo preferensia di idioma, asosiá bo garoshi di kompra ku bo)
  • Korespondé ku bo
  • Manehá bo sitanan ku nos òf ku un hende ku ta sostené nos produkto- òf servisionan (por ehèmpel, relashoná ku un produkto nobo òf servisio despues di benta)
  • Mehorá bo eksperensianan
  • Administrashon i solushon di problema

Esaki normalmente ta un kombinashon di informashon ku bo ta ofresé nos (nòrmalmente, nòmber, kódigo sekreto (òf ekivalente)) i informashon ku nos ta buska outomátikamente (por ehèmpel, informashon tokante bo aparato i cookie- i teknologianan di siguimentu similar).

Nos ta uz’é a base di loke ta korespondé ku e meta pa uza e informashon ku nos ta sostené. Por ehèmpel, kaminda nos manehá bo kuenta pa sostené un kompra òf ofresé servisio despues di benta, nos ta uza e informashon pa kumpli ku nos obligashonnan kontraktual na bo komo un kumpradó di nos produktonan; kaminda nos manehá bo kuenta pa mustrabo nos produktonan, nos ta sostené merkadeo i asina ei nos ta uz’é basá riba e echo ku nos tin un interes komersial legítimo  pa merkadiá nos produktonan i kaminda bo interes- i derechinan i bo libertat pa protehá bo informashon, etc. no ta prevalesé riba esaki.

Análisis di negoshi i mehorashonnan

  • Pèrmití nos òf nos sosionan komersial pa informá bo di potensial oportunidatnan pa ta envolví den promoshon di  PMI su produktonan.
  • Pa análisis di negoshi i mehorashonnan (inkluso pa PMI su produktonan, puntonan di benta ku ta bende PMI su produktonan, eventonan, PMI su puntonan di kontakto digital i e informashon ku nos (òf nos afiliadonan) ta ofresé nos klientenan)

Esaki normalmente ta un kombinashon di informashon ku bo ta ofresé nos; informashon ku nos ta buska outomátikamente i (kaminda lei ta pèrmití) informashon ku nos ta atkerí serka terser partido.

Nos ta uz’é basá riba e echo ku nos tin un interes komersial legítimo  pa analisá i mehorá nos rendimentu komersial, nos produktonan, PMI su puntonan di kontakto, puntonan di benta i eventonan i pa invitá otronan pa ta envolví den promoshon di PMI su produktonan i kaminda bo interes- i derechinan i bo libertat pa protehá bo informashon, etc. no ta prevalesé riba esaki.

 

Kaminda nos no ta basa nos uzo di informashon di bo riba un di e basenan legal menshoná ariba, nos lo pidi bo pèrmit promé ku nos prosesá e informashon (e kasonan ei lo ta bon kla for di e konteksto).

Den algun kaso, nos lo por uza informashon di bo na maneranan ku no ta deskribí ariba. Kaminda esaki ta e kaso, nos lo ofresé un nota di privasidat adishonal ku ta splika tal uzo. Bo mester lesa kualke nota adishonal huntu ku e nota akí.

Ken nos ta kompartí bo informashon kuné i ku ki meta?

Nos lo por kompartí informashon di bo ku:

  • PMI su afiliadonan;
  • Terser partido ku ta ofresé PMI su afiliadonan òf abo, produkto- òf servisionan;
  • Sosionan komersial i agentenan di publisidat ku a skohe kuidadosamente pa PMI su afiliadonan (den áreanan mará na nos produktonan òf konsistente ku nan estilo i imágen) pa asina nan por tuma kontakto ku bo pa ofertanan ku nan ta pensa ku lo interesá bo, di akuerdo ku bo preferensianan i
  • Otro terser partido, kaminda rekerí òf pèrmití pa lei.

Kompartí dato ku otro afiliadonan di PMI

  • Lo kompartí informashon di bo ku Philip Morris International Management SA (basá na Lausanne, Suisa), ku ta e sitio di atministrashon sentral di prosesamentu personal pa PMI su afiliadonan. Philip Morris International Management SA ta prosesá informashon di bo pa tur e metanan deskribí den e nota akí.
  • Lo por kompartí informashon di bo ku e afiliado di PMI ku ta responsabel pa e pais kaminda bo ta biba (si e afiliado di PMI mes no a buska e informashon promé) pa tur e metanan deskribí den e nota akí.
  • Lo por kompartí informashon di bo ku kualke otro afiliado di PMI ku bo tuma kontakto kuné (por ehèmpel, si bo ta di biahe i ke sa unda pa kumpra produktonan di PMI den un pais nobo òf si bo ke sa unda bo ta haña servisio òf sosten relashoná ku PMI su produktonan) pa asina mehorá nos servisio na bo.

Detaye di PMI su afiliadonan i e paisnan kaminda nan ta stablesé ta disponibel aki.

Kompartí dato ku Terser Partido

  • Nos lo por kompartí informashon di bo ku terser partido ku ta brinda PMI su afiliadonan òf abo, produkto- òf servisionan (manera konseheronan, proveedornan di servisio di pago, proveedornan ku ta entregá produkto, minoristanan, coachnan di produkto, proveedornan di servisio di informashon i proveedornan di kòntròl di edat).
  • Nos lo por kompartí informashon di bo ku sosionan komersial i agentenan di publisidat di terser partido ku a skohe kuidadosamente pa PMI su afiliadonan (di akuerdo ku loke bo por asosiá nos produktonan kuné, por ehèmpel pasó nan tin un imágen, estilo òf funshonalidat similar òf adishonal) pa asina nan por tuma kontakto ku bo ku produkto-, servisio- i promoshonnan ku nan ta pensa lo por interesá bo, di akuerdo ku bo preferensianan.
  • Nos lo por kompartí informashon di bo ku otro terser partido, kaminda rekerí òf pèrmití pa lei, por ehèmpel: outoridat regulatorio; departamentonan gubernamental; den kumplimentu ku un petishon di outoridat di lei òf otro ofisialnan gubernamental; na momentu ku nos konsiderá ku divulgashon ta nesesario òf apropiá pa prevení daño físiko òf pèrdida finansiero òf relashoná ku un investigashon òf aktividat ilegal sospechá òf real i den konteksto di restrukturashon organisatorio.
Unda lo por manda informashon di bo?

Meskos ku kualke organisashon multinashonal, PMI su afiliadonan ta pasa informashon rònt mundu. Esaki ke men ku lo por pasa bo informashon mundialmente (si a buska bo informashon denter di e Area Ekonómiko Oropeo, esaki ta nifiká ku lo por pasa bo informashon pafó di e área akí tambe).

Ora ta uza informashon manera deskribí den e nota akí, lo por pasa informashon di bo sea denter òf pafó di e pais òf teritorio kaminda a buska esaki, inkluso pa un pais òf teritorio ku talbes no tin e mesun normanan di protekshon di dato ekivalente.

Por ehèmpel, PMI su afiliadonan denter di e Area Ekonómiko Oropeo (“AEO”) lo por pasa bo informashon personal pa PMI su afiliadonan pafó di e AEO. Den tur kaso, e pasamentu di informashon akí lo ta:

  • A base di un desishon di karakter adekuá di Komishon Oropeo;
  • Mará na garantianan adekuá, por ehèmpel e Kòntraktnan Modelo di UE; òf
  • Nesesario pa kumpli ku obligashonnan a base di un kòntrakt entre abo i nos (òf implementashon di medidanan prekontraktual ku a tuma riba bo petishon) òf firmamentu òf realisashon di un kòntrakt ku a sera na bo interes entre nos i un terser partido, manera relashoná ku plannan di biahe.

Den tur kaso lo apliká medidanan di seguridat adekuá pa protekshon di informashon personal, den e pais- òf teritorionan ei, di akuerdo ku leinan di protekshon di dato ku ta aplikabel.

Kon nos ta protehá informashon di bo?

Nos ta implementá medidanan tékniko i organisatorio adekuá pa protehá informashon personal ku nos tin di divulgashon, uzo, modifikashon òf destrukshon no-outorisá. Kaminda ta apropiá nos ta uza kodifikashon i otro teknologianan ku por asistí den sigurá informashon ku bo ta duna. Tambe nos ta rekerí pa nos proveedornan di servisio kumpli ku eksigensianan di privasidat di dato i seguridat.

Kuantu tempu nos lo mantené informashon di bo?

Nos lo mantené informashon di bo pa e periodo ku ta nesesario pa kumpli ku e metanan pa kua a buska e informashon. Despues di esei, nos lo elimin’é. E periodo lo varia dependiendo di e metanan pa kua a buska e informashon. Tuma nota ku den algun kaso, bo tin e derechi pa pidi nos pa eliminá e informashon. Tambe t’asina ku tin biaha nos ta legalmente obligá pa mantené e informashon, por ehèmpel, pa metanan di impuesto i kontabilidat.

Normalmente, nos ta mantené dato basá riba e kriterionan deskribí den e siguiente tabèl:

Tipo

Splikashon/kriterionan normal pa retenshon

  • Merkadeo na bo (inkluso mensahenan di merkadeo) (si bo ta uza puntonan di kontakto digital i ta lokalisabel)

Ta mantené mayoria di e informashon den bo profil di merkadeo durante e periodo di nos relashon di merkadeo ku bo; por ehèmpel, miéntras bo ta sigui uza puntonan di kontakto digital òf reakshoná riba nos mensahenan. Sinembargo, algun elemento di bo profil di merkadeo, manera registronan di kon nos ta interaktá ku bo, naturalmente ta desaktualisá despues di un periodo di tempu, ke men nos ta eliminá nan outomátikamente despues di periodonan definí (nòrmalmente 3 aña) manera adekuá pa e meta ku nos a buska nan p’e.

  • Merkadeo na bo (inkluso mensahenan di merkadeo) (si bo no ta den kontakto mas ku nos)

E senario akí ta meskos ku esun ariba, pero si nos no tin niun kontakto ku bo pa un periodo largu (nòrmalmente 2 aña), nos lo stòp di mandabo mensahenan di merkadeo i eliminá bo historia di respuesta riba nan. Esaki lo sosodé, por ehèmpel, si nunka bo no sigui klek pa drenta un invitashon pa un evento, drenta un punto di kontakto digital òf tuma kontakto ku servisio na kliente, durante e temporada ei. E motibu ta, ku den sirkunstansianan asina, nos ta asumí ku lo bo preferá di no risibí e mensahenan relevante.

  • Merkadeo na bo (inkluso mensahenan di merkadeo) (si bo no ta lokalisabel)

Si bo a registrá pa risibí mensahenan di merkadeo, pero e informashon ku bo a duna nos pa tuma kontakto ku bo no ta funshoná, nos lo keda ku bo detayenan pa un periodo di solamente 6 luna nòrmalmente, pa dunabo un chèns di regresá i koregié.

  • Merkadeo na bo (inkluso mensahenan di merkadeo) (registrashonnan inkompletu)

Si bo kuminsá registrá bo mes den e base di dato, pero bo no a terminá e proseso (por ehèmpel, si bo no a terminá e proseso di kòntròl di edat òf si bo keda sin aseptá e términonan di uzo di e punto di kontakto), nos lo keda ku bo detayenan pa un periodo di solamente 6 luna pa dunabo un chèns di regresá i terminá e proseso.

  • Investigashon di merkado

Si bo no ta registrá serka nos pa otro meta (p.e. mensahenan di merkadeo, garantia, servisio na kliente) i nos uza informashon di bo ku ta públikamente disponibel pa asina komprondé merkado i bo preferensianan, nos lo keda ku e informashon di bo pa un periodo kòrtiku pa asina ehekutá e tema spesífiko di  investigashon di merkado.

  • Kompra i garantia

Si bo kumpra produktonan, nos lo keda ku detayenan di esaki pa mes tantu tempu ku ta rekerí pa finalisá e benta i pa kumpli ku kualke obligashon legal (por ehèmpel, pa metanan di impuesto i kontabilidat). Si bo registrá pa garantia di un aparato tambe, nos lo keda ku detayenan di esaki pa mes tantu tempu ku ta relevante pa e garantia.

  • Servisio na kliente

Si bo tuma kontakto ku servisio na kliente, nos lo traha un registro di e kaso (inkluso detayenan di bo pregunta i nos kontesta) i keda kuné miéntras e ta  relevante pa nos relashon, por ehèmpel si bo mester di nos pa remplasá un aparato bou di garantia, òf si bo último preguntanan ta relevante. Registronan temporal (por ehèmpel, un grabashon outomatisá di un yamada telefóniko kaminda bo ta pidi nos pa guiabo na un tienda minorista) por ta relevante solamente te na momentu ku traha registrashon mas permanente i lo mantené nan solamente temporalmente.

  • Ouditoria di sistema

Ta mantené ouditoria di sistema nòrmalmente pa un periodo di solamente algun luna.

  • Análisis komersial

Nòrmalmente ta buska dato di análisis komersial outomátikamente ora bo uza  PMI su puntonan di kontakto i anonimisá/akumulá djis despues.

 

Ki derechi i opshon bo tin?

Bo por tin algun di òf tur e siguiente derechinan relashoná ku informashon di bo ku nos tin:

  • Pidi nos pa dunabo akseso na dje;
  • Pidi nos pa rektifik’é, aktualis’é òf elimin’é;
  • Pidi nos pa restringí nos uzo di dje, den sierto sirkunstansia;
  • Tin opheshon pa nos uz’é, den sierto sirkunstansia;
  • Stòp bo pèrmit pa nos uz’é;
  • Portabilidat di data, den sierto sirkunstansia;
  • Hala atras i nenga di laga nos uz’é pa merkadeo direkto i
  • Lansa un keho serka un outoridat di supervishon den bo pais (si tin unu).

Nos ta ofresé bo maneranan fásil pa ehersé e derechinan ei, manera “kita inskripshon” pa konekshonnan, òf dunabo un adrès di kontakto, den mensahenan ku bo ta risibí.

Algun aplikashon pa aparato móbil ku nos ta ofresé lo por mandabo mensahenan di primi, por ehèmpel tokante produkto- òf servisionan nobo. Bo por desaktivá e mensahenan akí via konfigurashon den bo telefòn of e aplikashon.

E derechinan ku bo tin ta dependé di e leinan di bo pais. Si bo ta den e Area Ekonómiko Oropeo, ta indiká e derechinan akí den e siguiente tabèl. Si bo ta otro kaminda, bo por tuma kontakto ku nos (chèk e paragraf “Ku ken bo mester tuma kontakto pa pregunta?” na final di e nota) pa haña sa mas.

Derechi relashoná ku e informashon di bo ku nos tin

Mas detaye (tuma nota: sierto límite legal ta konta pa tur e derechinan akí)

  • pa pidi nos pa dunabo akseso na dje

Esaki ta konfirmashon di:

  • si nos ta prosesá informashon di bo òf nò;
  • nos nòmber i detayenan di kontakto;
  • meta di e prosesamentu;
  • e kategorianan di informashon relevante;
  • e kategorianan di personanan ku nos kompartí e informashon kuné i kaminda kualke persona ta pafó di AEO i no ta benefisiá di un desishon di karakter adekuá di Komishon Oropeo, e garantianan adekuá pa protehá e informashon;
  • (si nos tin e) e fuente di e informashon, si nos no a busk’é serka bo;
  • (te na momentu ku nos tuma algun, loke nos lo ponebo na altura di dje)  eksistensia di tumamentu di desishon outomatisá, inkluso stablesimentu di profil, ku ta produsí efektonan legal relashoná ku bo òf ku ta afektá bo  signifikantemente na un manera similar i informashon tokante e lógika involví, meskos ku e nifikashon i e konsekuensianan proyektá di tal  prosesamentu pa bo i
  • e kriterionan pa determiná e periodo ku nos lo warda e informashon.

Riba bo petishon, nos lo dunabo un kopia di e informashon di bo ku nos ta uza (basta esaki lo no afektá e derechi i libertat di otronan).

  • pa pidi nos pa rektifik’é òf aktualis’é

Esaki ta konta si e informashon ku nos tin ta inkorekto òf inkompletu.

  • pa pidi nos pa elimin’é

Esaki ta konta si :

  • e informashon ku nos tin no ta nesesario mas relashoná ku e meta ku nos ta uz’é p’e;
  • nos uza e informashon a base di bo pèrmit i bo stòp bo pèrmit (den tal kaso, nos lo kòrda pa no bolbe tuma kontakto ku bo mas, a ménos ku bo bisa nos ku bo ke pa nos eliminá tur informashon di bo, den kual kaso nos lo respetá bo deseonan);
  • nos uza e informashon a base di interes legítimo i nos haña ku, despues di bo opheshon, nos no tin un interes primordial pa sigui uz’é;
  • a optené òf uza e informashon ilegalmente òf
  • pa kumpli ku un obligashon legal.
  • pa pidi nos pa restringí nos prosesamentu di dje

E derechi akí ta konta, temporalmente miéntras nos ta analisá bo kaso, si bo:

  • refutá eksaktitut di e informashon ku nos ta uza òf
  • tabatin opheshon kontra nos uzo di e informashon a base di interes legítimo
  • (si bo hasi uzo di bo derechi den e kasonan ei, nos lo bisabo promé ku nos bolbe uza e informashon).
  • E derechi akí ta konta tambe si:
  • nos uzo ta ilegal i bo oponé kontra eliminashon di e datonan òf
  • nos no tin mester di e datonan mas, pero bo ta rekerié pa stablesé un kaso legal.
  • pa opheshoná kontra nos  prosesamentu di dje

Bo tin dos derechi aki:

  1. si nos uza informashon di bo pa merkadeo direkto: bo por “hala atras” (sin mester di hustifiká esaki) i nos lo kumpli ku bo petishon i
  2. si nos uza informashon di bo a base di interes legítimo pa otro metanan ku no ta merkadeo direkto, bo por opheshoná kontra nos uzo di dje pa e metanan ei, dunando un splikashon di bo situashon partikular i nos lo tene kuenta ku bo opheshon.
  • pa stòp bo pèrmit pa laga nos uz’é

Esaki ta konta si  e base legal riba kua nos ta uza e informashon di bo ta pèrmit. E kasonan akí lo ta hopi kla for di konteksto.

  • pa portabilidat di dato

Si:

  1. bo a ofresé nos dato i
  2. nos uza e dato ei, via medionan outomatisá, i sea a base di bo pèrmit òf a base di un kumplimentu ku nos obligashonnan kontraktual ku bo, e ora ei bo tin e derechi pa risibí e datonan bèk di nos den un format frekuentemente uzá i tambe e derechi pa eksigí nos pa pasa e datonan na un otro persona si ta téknikamente  posibel pa nos hasi esaki.
  • pa lansa un keho serka e outoridat supervisorio den bo pais

Kada pais di e Area Ekonómiko Oropeo mester duna un òf mas outoridat públiko pa e meta akí.

Bo por haña nan detayenan di kontakto akinan:

http://ec.europa.eu/justice/data-protection/bodies/authorities/index_en.htm

Pa otro pais, fabor konsultá website di outoridat di bo pais.

Ku ken bo mester tuma kontakto pa pregunta?

Si bo tin kualke pregunta òf ta deseá di ehersé kualke un di bo derechinan, bo por haña detayenan di kontakto pa e afiliado relevante di PMI i si ta aplikabel e ofisial di protekshon di dato, akinan. Tambe lo duna detayenan di kontakto den kualke mensahe ku un afiliado di PMI mandabo.

Si bo pais tin un outoridat pa protekshon di dato, bo tin derechi pa tuma kontakto kuné pa kualke pregunta òf prekupashon. Si e afiliado relevante di PMI no por resolvé bo pregunta- òf prekupashonnan, bo tin derechi tambe pa kana e kaminda di rekurso hudisial dilanti un korte nashonal.

Kambionan na e nota akí

Nos lo por aktualisá e nota akí (i kualke nota di privasidat adishonal), kada tantu tempu. Nos lo notifiká bo di kambionan kaminda esaki ta rekerí pa lei.

Ultimamente modifiká riba 27 di mart 2018.

E produkto di tabako aki ta daña bo salú i ta adiktivo